Məxfilik siyasəti

Son yenilənmə: 6 sentyabr 2026

BusTap yaxın dayanacaqları, avtobusların mövqelərini və gözlənilən gəliş vaxtlarını göstərən müstəqil tətbiqdir. Tətbiqi Arif Babayev təqdim edir. BusTap AYNA-nın rəsmi tətbiqi deyil.

Məkan icazəsi

İcazə verdikdə təxmini və ya dəqiq məkanın yaxın dayanacağı tapmaq və xəritədə yerini göstərmək üçün istifadə olunur. Bu əməliyyat tətbiq açıq olanda işləyir; arxa planda məkan izlənmir. İcazə verməsən, dayanacağı adla və ya xəritədən seçə bilərsən. İcazəni Android parametrlərindən dəyişə bilərsən.

Yaxın dayanacağın hesablanması cihazda aparılır. BusTap-ın avtobus məlumatı serverinə telefonun GPS koordinatları göndərilmir; seçilmiş dayanacağın kodu göndərilir. Google Maps xəritə xidmətindən istifadə aşağıdakı üçüncü tərəf məlumat emalını əhatə edir.

Cihazda saxlanan məlumatlar

Sevimli dayanacaqlar, ilkin icazə seçimin və dayanacaq/marşrut kataloqu cihazda saxlanır. Hesab yaratmaq və ya AYNA hesabına daxil olmaq tələb edilmir. Tətbiqin məlumatlarını Android parametrlərindən silməklə bu yerli məlumatları silə bilərsən.

Google Maps və Android məkan xidmətləri

Xəritə Google Maps SDK ilə göstərilir. SDK IP ünvanı, cihaz və sistem haqqında texniki məlumatlar, özünə məxsus psevdonim identifikator, nasazlıq məlumatları və xəritənin sürüşdürülməsi/yaxınlaşdırılması kimi qarşılıqlı əlaqə məlumatlarını emal edir. Xəritə sorğuları baxdığın ərazi ilə bağlıdır. Məkanın alınmasında Android və Google Play services xidmətlərindən də istifadə oluna bilər.

Ətraflı: Google Məxfilik Siyasəti və Google Maps SDK məlumat açıqlaması.

Yer axtarışı, marşrutlar və naviqasiya

Axtarışa yer adı yazanda (məsələn, "Red Plaza") yazdığın mətn və təxmini baxdığın ərazi təkliflər üçün Google Places xidmətinə göndərilir. Yer seçib ictimai nəqliyyat marşrutuna baxanda olduğun yerin koordinatları və seçdiyin yer Google Routes xidmətinə göndərilir. Bu məlumat yalnız həmin sorğunun cavabı üçün istifadə olunur; BusTap onu saxlamır. Google-un emalı Google Məxfilik Siyasəti və Google Maps Platform şərtləri ilə tənzimlənir.

Velosiped və skuter marşrutları telefonda, OpenStreetMap yol məlumatı ilə hesablanır; bu zaman koordinatların heç yerə göndərilmir. "Gedişə başla" seçəndə tətbiq açıq olduğu müddətdə GPS hər saniyə oxunur ki, yol göstərilsin və yoldan çıxanda marşrut yenidən qurulsun. "Bitir" seçəndə və ya tətbiq arxa plana keçəndə izləmə dayanır. Yol məlumatı: © OpenStreetMap contributors (ODbL).

Avtobus məlumatları və server

Tətbiq seçilmiş dayanacaq üçün BusTap serverindən məlumat istəyir; server məlumatı AYNA MaaS xidmətindən alır. AYNA mənbəyinə istifadəçi hesabın və telefonun GPS koordinatları ötürülmür. İnternet bağlantısı zamanı hosting təminatçısı olan Google Cloud IP ünvanı, sorğunun vaxtı, yolu və cavab statusu kimi texniki məlumatları emal edə bilər. Bunlar xidmətin işləməsi, təhlükəsizliyi və nasazlıqların araşdırılması üçündür. Adi sorğu jurnallarının saxlanma müddəti 30 gündür. Google-un ayrıca təhlükəsizlik və audit qeydlərinə öz saxlama qaydaları tətbiq oluna bilər.

Məlumatlar HTTPS ilə ötürülür. Canlı nəqliyyat cavabları qısa müddətə keşlənir; dayanacaq və marşrut kataloqları daha uzun müddət saxlanır. Bunlar avtobus/dayanacaq məlumatlarıdır və istifadəçi profili yaratmaq üçün istifadə edilmir.

Reklam və məlumat satışı

BusTap-da reklam, ödəniş və reklam izləmə SDK-sı yoxdur. İstifadəçi məlumatlarını satmırıq. Ayrı istifadəçi analitikası SDK-sı əlavə edilməyib; Google xidmətlərinin yuxarıda göstərilən texniki məlumat emalı mövcuddur.

Əlaqə və sorğular

Məxfilik və məlumatla bağlı suallar üçün arifrb@code.edu.az ünvanına yaza bilərsən. Sorğunu cavablandırmaq üçün göndərdiyin e-poçtu və məzmununu emal edəcəyik. BusTap-da istifadəçi hesabı olmadığından ayrıca hesab silmə axını yoxdur.

Dəyişikliklər

Xidmət və məlumat emalı dəyişdikdə bu səhifə yenilənəcək və yuxarıdakı tarix dəyişəcək. Əhəmiyyətli dəyişikliklər üçün uyğun bildiriş təqdim ediləcək.